تحلية الاناناس المنعشة - وصفات أم وليد

المقادير

    1 علبة اناناس

    1 صفار بيض

    2 م ك نشاء

    1 م ص مارغرين

    بودرة الشونتيي

    حليب بارد

طريقة التحضير

نترك 4 حبات للتزيين و نقطع باقي الاناناس قطع صغيرة ثم نضعهم في السيرو المرافق لهم و نطحنهم بالـ mixeur ثم نضيف الماء حتى يصبح نصف لتر

نضيف النشاء و صفار البيضة و نخلط بالـ mixeur ثم نضعهم في كسرونة و نضعهم فوق النار و نخلط بدون توقف حتى يخثر الخليط و في بداية الغليان نطفئ النار و نضيف المارغرين و نخلط حتى تذوب

نضع الكريمة في وعاء زجاجي و نغطيها بكيس و نضعها في الثلاجة حتى تبرد تماما، ثم نخلطها ثم نضيف 2 ملعقة كبيرة بودرة الشونتيي و نخلط جيدا ثم نضيف 1/2 كأس حليب بارد و نخلط حتى نتحصل على كريمة خفيفة

نقطع 2 حبات اناناس قطع صغيرة و نخلطهم الكريمة ثم نملئها في كؤوس التقديم، ثم نخلط 1/2 كأس بودرة شونتيي مع 1/2 كأس حليب بارد حتى نتحصل على كريمة ثم  نزين بها التحلية و نضيف قطع من الاناناس

بالصحة و الهنا