بينيي ناجح مليون بالمئة خفيف و فارغ من الداخل - وصفات أم وليد

المقادير

    2.5 كأس فرينة

    2 م ك زيت

    1 م ك خميرة الخبز

    1 م ك سكر

    1 علبة ياهورت

    ماء دافئ

    ملح

 طريقة التحضير

نخلط الفرينة مع الخميرة و السكر، ثم نضيف الملح و نخلط ثم نضيف الزيت و نخلط جيدا، بعد ذلك نضيف الياهورت و نخلط، ثم نضيف الماء تدريجيا و نخلط حتى نتحصل على عجينة طرية

ندلك العجينة حوالي دقيقتين ثم نغطيها بكيس بلاستيكي و نتركها ترتاح 15 دقيقة، ثم نرشها بالفرينة و نفتحها رقيقة قليلا ثم نقطعها دوائر و نضعهم في صينية مرشوشة جيدا بالفرينة و نغطيهم و نتركهم يخمروا نصف ساعة

نقليهم في زيت ساخن، و نرمي عليهم الزيت بالملعقة و نقلبهم من حين الى اخر حتى يحمروا جيدا من كل الجوانب، بعد ذلك نرمدهم بالسكر ثم نفتحهم بالمقص و نحشيهم بمربى المشمش

بالصحة و الهنا