وصفة و طريقة تحضير بيتزا المقلة بالدارجة

:مقادير العجين

زلافة قل ربع دقيق-
 

ربع زلافة فينو-

ملح-

سكر-

معلقة صغيرة خميرة الفورية-

ماء دافي للعجن-

جمعيها وعجنيها وخليها تخمر فشي اناء ودهنيه بزيت وغطيها بلمغطاية ديال الاناء فين تخمر قسميها على 2 كرات وسرحيها بالمدلك بالفينو ولويها على المدلك باش تسهل عليك تهزيها بلاما تخسر لك وحطيها في مقلة ثقيلة تكون سخونة من قبل وثقبيها بالفروشيط فين تحمر شوية من تحت قلبيها لجهة الاخرى حتى تحمر وقلبي الوجه ديالها

: ونقصي على النار ودري لاصوص لي هو

واحد مطيشة محكوكة- 

تحميرة-

 ملح -

ابزار -

شووووية زيت الزيتون -

معلقة مطيشة الحك -

زعتر-

معلقة السكر-

خليها حتى تنشف من الما على نار هادئة لانها كتوجد بزربة

ودرت بصلة مع ملح ابزار وخرقوم سكنجبير ولكبدة صلقتها من قبل وقطعتها وزتها عليهم ولفلفلة قليتها في زيت مع لملح حتى تحمر ومن بعد دردري لفرماج وزيتون وغطي عليها بالمغطاية

 حتى يبان ليك لفرماج داب هنا انا درت حشوة الكبدة دجاج وحشوة التون